Mamardashvili, afër marrëveshjes për transferimin te Liverpooli

Liverpooli është afër vulosjes së transferimit të parë të verës me portierin Giorgi Mamardashvili që do të vijë nga Valencia.

Liverpooli ka shijuar një verë të qetë në tregun e transferimeve, por ka rritur bisedimet për Mamardashvilin, i cili do të bëhet nënshkrimi i parë i epokës së Arne Slot, sipas “Daily Mail”.

Sidoqoftë, Mamardashvili mund të duhet të presë që të transferohet në Liverpool. Portieri mund të qëndrojë në huazim te Valencia për një sezon tjetër si pjesë e marrëveshjes përpara se të shkojë në Anfield në 2025.

Alisson mbetet portieri i parë i Liverpoolit, me Caoimhín Kelleher që do të jetë përsëri rezerva e tij në sezonin 2024-2025. Megjithatë, Liverpooli po shikon drejt së ardhmes me Mamardashvilin, i cili mund të zëvendësojë secilin nga portierët. Alisson do të mbushë 32 vjeç në tetor dhe ka kontratë me Liverpoolin deri në vitin 2027, ndërsa Kelleher ka pranuar këtë verë se dëshiron një rol si nr.1. /Zëri