Osmani, pjesëmarrëse në Akademinë e Basketbollit të Trashëgimisë së Kosovës

Presidentja e Kosovës Vjosa Osmani, përmes një postimi në rrjetin social Facebook, ka bërë të ditur se ka marrë pjesë në mega kampin stërvitor, i organizuar nga Akademia e Basketbollit të Trashëgimisë së Kosovës.

Sipas saj, ky patronat solli basketbollist të rinj nga Kosova, si dhe ekspertë e trajnerë të basketbollit amerikan nga NBA në Kosovë, për t’i frymëzuar edhe më shumë talentët tanë t’i arrijnë majat ndërkombëtare të suksesit.

“Sporti po vë në pah shkëmbimin e të rinjve tani ditë pas dite e kështu po ndodh edhe në basketboll”, thuhet në njoftim, raporton Zeri.info.

Postimi i plotë:

Me kënaqësi të veçantë kam marrë pjesë nën patronat mega kampin stërvitor të organizuar nga Akademia e Basketbollit të Trashëgimisë së Kosovës, i cili solli basketbollist të rinj nga Kosova, si dhe ekspertë e trajnerë të basketbollit amerikan nga NBA në Kosovë, për t’i frymëzuar edhe më shumë talentët tanë t’i arrijnë majat ndërkombëtare të suksesit.

Sporti po vë në pah shkëmbimin e të rinjve tani ditë pas dite e kështu po ndodh edhe në basketboll.