Llapi merr fitoren e parë të sezonit, triumfon në Drenas ndaj Feronikelit ‘74
Sport
August 18, 2024 - 19:18
Skuadra e drejtuar nga Tahir Batatina ka marrë tre pikëshin e parë në Superligën e Kosovës për edicionin e sivjetëm.
Llapi triumfoi 2-0 si mysafir i Feronikelit ’74, me ndeshjen që u luajt në “Rexhep Rexhepi”.
Pasi përfundoi pjesa e parë pa gola dhe me pak raste, në pjesën e dytë, Llapi u ngjall.
Fillimisht, për skuadrën llapjane shënoi Elvir Gashijani në minutën e 63-të të takimit.
Në minutën e 89-të, për të siguruar fitoren për Llapin, shënoi Ahmed Januzi.
Kështu, Llapi ka 4 pikë pas dy ndeshjeve, pasi në xhiron e parë barazoi 1-1 me Gjilanin.
Në anën tjetër, Feronikeli ’74 i Shefki Kuqit pësoi humbjen e dytë në dy ndeshje, pasi paraprakisht pësoi disfatë nga Ferizaj në xhiron hapëse.
