Sloti flet për merkaton e transferimeve të Liverpoolit

Arne Slot pret të sjellë më shumë lojtarë në Liverpool këtë verë, pas një fillimi të qetë të merkatos së transferimeve.

Holandezi u pyet në lidhje me planet e Liverpoolit në tregun e transferimeve për javët e mbetura para fillimit të sezonit të ri të Premierligës dhe ish-trajneri i Feyenoordit pranoi se dëshiron të sjellë disa fytyra të reja.

Sloti tha se donte kohë për të rishikuar skuadrën e tij, pasi mori drejtimin nga Kloppi, por do të habitej nëse nuk do të bëheshin shtesa.

Duke folur për mediat në turneun parasezonal të Liverpoolit në SHBA, Sloti tha: “Nëse ka ndonjë lajm për këtë, ne do të vijmë te ju. Por ne tashmë kemi një ekip shumë të mirë, ku unë tashmë jam shumë i lumtur. Do të ishte një surprizë për të gjithë ne nëse nuk sjellim asnjë lojtar, kështu që kjo me siguri do të ndodhë në fund”.

Edhe pse është e arsyeshme t’i jepet Slotit pak kohë për të vlerësuar skuadrën e tij, ka një sasi të qartë pune që duhet bërë në treg nëse Liverpooli do të përballet me Manchester Cityn dhe Arsenalin këtë sezon. Reds u larguan në fillimet e vitit 2024, duke e bërë atë një garë të dyanshme për titullin, por largimi i Kloppit mund të nënkuptojë se ata janë edhe më prapa rivalëve të tyre përpara sezonit të ri. /Zëri