![Llapi pëson disfatë të thellë në udhëtim te Brondby në Ligën e Konferencës](/uploads/zeri.info/images/2024/July/25/auto_llapi1721934424.jpg)
Llapi pëson disfatë të thellë në udhëtim te Brondby në Ligën e Konferencës
Llapi ka pësuar humbje 6-0 në udhëtim te Brondby në ndeshjen e parë të rrethit të dytë kualifikues në Ligën e Konferencës.
Skuadra daneze e filloi furishëm ndeshjen, ku qysh në minutën e 16-të realizuan për 1-0 me anë të Yuito Suzukit, ndërsa Klaiber ishte asistuesi.
Për 2-0 u përkujdes Ohi Omoijuanfo (21’), me një asistim perfekt nga Sebulonsen.
Tre minuta më vonë, Wass asistoi te Filip Bundgaard që realizoi golin e dytë të Brondbys.
Golin e katër për vendasit e shënoi Noah Nartey, pasi u asistua nga Bischoff në minutën e 40-të.
45 minutat e dytë ishte një tjetër rrjedhë e ndeshjes, pasi u shënua vetëm dy gola.
Natyrisht se dominimi ishte i Brondbyt, por që Llapi kishte intervalet e tyre kur dilnin përpara.
Sulmi i skuadrës nga Podujeva nuk ishte në elementin e tyre për këtë përballje, duke mos arritur të krijonin shumë.
Skuadra daneze shënoi për 5-0 me anë të Mathias Kvistgaarden, që realizoi në minutën e 89-të.
Vetëm një minutë më vonë, Brondby vulosi fitoren e tyre në 6-0 me golin e Oscar Schwartau (90′).
Ndeshja e dytë zhvillohet në javën e ardhshme, ndërsa vështirë se Llapi do të mund të bëjë rikthim për të kaluar tutje. /telegrafi