![Mbyllet pjesa e parë: Llapi po mposhtet thellë nga Brondby](/uploads/zeri.info/images/2024/July/25/auto_Screenshot-2024-07-25-193117-780x4391721930088.webp)
Mbyllet pjesa e parë: Llapi po mposhtet thellë nga Brondby
Sport
July 25, 2024 - 19:54
Ka përfunduar pjesa e parë mes Brondbyt dhe Llapit me rezultat 4-0 për vendasit në kuadër të rrethit të dytë kualifikues në Ligën e Konferencës.
Skuadra daneze e filloi furishëm ndeshjen, ku qysh në minutën e 16-të realizuan për 1-0 me anë të Yuito Suzukit, ndërsa Klaiber ishte asistuesi.
Për 2-0 u përkujdes Ohi Omoijuanfo (21’), me një asistim perfekt nga Sebulonsen.
Tre minuta më vonë, Wass asistoi te Filip Bundgaard që realizoi golin e dytë të Brondbys.
Golin e katër për vendasit e shënoi Noah Nartey, pasi u asistua nga Bischoff në minutën e 40-të.
Llapit do t’i duhet një mrekulli në pjesën e dytë për ta ngushtuar së paku rezultatin, për të synuar që në Podujevë në ndeshjen e kthimit të bëjë diçka.