Anglia shpall konkurs për trajner
Federata e Futbollit të Anglisë, ka shpallur konkurs për pozitën e trajnerit disa ditë pasi Gareth Southgate, u tërhoq nga ajo pozitë të cilën e mbajti për tetë vjet.
Në shpalljen publike, kjo federatë bëri të ditur se tashmë i ka identifikuar disa kandidatë potencialë që mund ta zënë stolin e kombëtares.
Po ashtu u bën të ditur edhe kriteret që duhet t’i plotësojnë kandidatët për ta fituar këtë punë.
“Përvojë të rëndësishme të futbollit anglez, me një histori të fortë që jep rezultate në Premier League dhe/ose garat kryesore ndërkombëtare”, janë disa nga kriteret e vendosura në konkurs.
FA shpalosi ambiciet lidhur me këtë rol, përfshirë përfundimin e pritjes prej dekadash të Anglisë për një trofe të parë që nga Kupa e Botës në 1966, me shtatë pikë.
Afati i fundit për aplikim është 2 gushti.
Gareth Southgate, gjatë karrierës së tij tek “Tre luanët” i humbi dy finale të evropianëve.
E para ishte në vitin 2021 kundër Italisë me penallti, kurse e dyta në “EURO 2024”, ku u mposht nga Spanja me rezultat 2:1.
Kriteret e vendosura nga FA:
Do të mbajë një licencë UEFA Pro;
Do të ketë përvojë të konsiderueshme në futbollin anglez, me një histori të fortë që jep rezultate në Premier League dhe/ose garat kryesore ndërkombëtare;
Do të jetë një lider i jashtëzakonshëm që kupton dhe do të shijojë mjedisin ndërkombëtar të futbollit;
Do të ketë përvojë në identifikimin, menaxhimin dhe zhvillimin e suksesshëm të lojtarëve të kualifikuar anglezë;
Do të jetë shumë elastik dhe i rehatshëm në një rol shumë të profilit të lartë me një shqyrtim intensiv publik;
Do të ketë një histori të krijimit të një kulture dhe mjedisi ekipor me performancë të lartë, pozitive’
Do të ketë vlera të forta personale dhe integritet dhe do të kuptojë e përqafojë rolin që kryetrajneri i ekipit të meshkujve të Anglisë ka frymëzuar kombin.
