Guirassy kalon testet mjekësore te Dortmundi
Sport
July 16, 2024 - 22:16
Sulmuesi Serhou Guirassy i ka përfunduar me sukses testet mjekësore te skuadra gjermane, Borussia Dortmund. Guirassy të enjten do të prezantohet te skuadra elitare e Bundesligës, ka njoftuar të martën mediumi francez “L’Equipe”.
Te Dortmundi, futbollisti i Guinesë pritet të kalojë nga Stuttgarti.
Guirassy shihet si zëvendësuesi i gjermanit Niclas Fullkrug, i cili pritet të largohet nga skuadra gjermane gjatë këtij afati kalimtar.
28-vjeçari kishte paraqitje të mira me Stuttgartin në edicionin 2023/2024. Ai shënoi 30 gola dhe bëri tri asistime në të gjitha garat. Me Stuttgartin, Guirassy ka kontratë deri në vitin 2026.
