Kompany dëshiron që mbrojtësi i Liverpoolit t’i bashkohet Bayern Munichut

Bayern Munich mund të bëjë një ofertë transferimi verore për Joe Gomez nga Liverpooli, pasi Vincent Kompany dëshiron të nënshkruajë me mbrojtësin.

Kompany po kërkon të rinovojë mbrojtjen e Bayernit që kur mori drejtimin e trajnerit pas largimit të Thomas Tuchel në fund të sezonit dhe “The Mirror” raporton se belgu e ka theksuar Gomezin si objektivin kryesor.

Liverpooli nuk ka ndërmend ta shesë Gomezin te skuadra gjermane, pasi e shohin atë si një lojtar të rëndësishëm, teksa përgatiten për jetën nën drejtimin e trajnerit të ri Arne Slot.

27-vjeçari është në fund të sezonit të tij më të mirë në futbollin e lartë dhe është pjesë e skuadrës së Anglisë të Gareth Southgate në “Euro 2024”. /Zëri