Ten Hag qëndron në Man Utd

Erik ten Hag thuhet se do të qëndrojë si trajner i Manchester Unitedit, pas rishikimit të klubit në fund të sezonit.

“The Athletic” raporton se ish-trajneri i Ajaxit ka pranuar të qëndrojë te “Djajtë e Kuq”, pasi bordi vendosi të qëndrojë me të. Raporti shton se Unitedi do të hyjë në diskutime për vazhdimin e kontratës së 54-vjeçarit, e cila skadon në verën e vitit 2025.

Pavarësisht se janë në vendin e tetë këtë sezon - përfundimi i tyre më i ulët ndonjëherë në Premierligë dhe dështimi në fillim të kupës “Carabao” dhe Ligën e Kampionëve, duket se triumfi i Ten Hagut në FA Cup e ka mbajtur atë në detyrë.

Holandezi theksoi në mënyrë të përsëritur se lista e gjatë e lëndimeve të skuadrës së tij i dëmtoi rezultatet e tyre dhe pronari i pakicës Sir Jim Ratcliffe me sa duket është ndikuar nga kjo dhe suksesi i tyre në kupë. /Zëri