Dita e ndeshjes: Shqipëria sot përballet me Lihtenshtajnin në Hungari

Kombëtarja e Shqipërisë do të zhvillojë sot ndeshjen e parë miqësore të muajit qershor.

Kuqezinjtë kanë udhëtuar drejt Austrisë për të kryer fazën përgatitore para kampionatit evropian “Euro 2024”.

Ndeshjen e parë miqësore Shqipëria e zhvillon sonte me fillim nga ora 20:00 kundër Lihtenshtajnit.

Ky duel miqësor do të zhvillohet në Haladas Sportkomplexum në Szombathely të Hungarisë.

Ditën e djeshme kuqezinjve u është bashkuar edhe mesfushori Amir Abrashi, derisa sot pritet të shkojë edhe kapiteni Berat Gjimshiti, por që nuk do të luajë në duelin miqësor.

Miqësorja e dytë e qershorit do të luhet në të njëjtin stadium më datë 7 qershor dhe starton në orën 19:00. Pas kësaj ndeshjeje Kombëtarja do të transferohet në Kaizerau, ku do të qëndrojë përgjatë gjithë “Euro 2024”.