![Shkëlqeu me paraqitjet e tij për Interin, Lautaro Martinez shpallet lojtari më i mirë i sezonit në Serie A](/uploads/zeri.info/images/2024/May/24/auto_IMG_13191716576070.jpeg)
Shkëlqeu me paraqitjet e tij për Interin, Lautaro Martinez shpallet lojtari më i mirë i sezonit në Serie A
Fituesi i Capocannonieres dhe i Scudettos, kapiteni i Interit, Lautaro Martinez, është shpallur lojtari më i mirë i sezonit 2023/2024 në Serie A.
Në ceremoninë e ndarjes së çmimeve, Dusan Vlahovic i Juventusit ishte shpallur sulmuesi më i mirë i sezonit, por Lautaro Martinez e mposhti atë në garën për çmimin kryesor.
Martinez jo vetëm që e udhëhoqi Interin drejt titullit si kapiten, por ai gjithashtu ishte edhe golashënuesi më i mirë i elitës së futbollit italian me 24 gola të shënuara.
“Sezoni i Lautaro Martinez ka qenë i jashtëzakonshëm në aspektin e performancës dhe lidershipit. Sulmuesi i Interi me karizmën dhe lëvizjet e tij ka reprezentuar kapitenin perfekt i cili e bashkoi grupin që me meritë e fitoi Scudetton”.
"Në sezonin e tij të tretë radhazi me mbi 20 gola të shënuar në Serie A, argjentinasi fitues i Kupës së Botës tani është një lojtar i madh, një thesar për Interin dhe ligën tonë, i aftë për të qenë vendimtar në momentet kryesore të sezonit”, ka thënë shefi i Serie A, Luigi De Siervo.
Të gjitha fituesit e çmimeve ‘Lojtari më i mirë’ do të ipen në ndeshjet e fundit të sezonit 2023/2024 në Serie A gjatë këtij vikendi.
Çmimet e tjera që u shpërndanë nga Serie A:
1.Michele Di Gregorio – Portieri më i mirë.
2. Alessandro Bastoni – Mbrojtësi më i mirë.
3. Hakan Calhanoglu – Mesfushori më i mirë.
4. Dusan Vlahovic – Sulmuesi më i mirë.
5. Joshua Zirkzee – Lojtari më i mirë U23./Telegrafi/