Ronaldo po shqyrton vazhdimin e kontratës me Al-Nassrin

Cristiano Ronaldo raportohet se po mendon një zgjatje të qëndrimit të tij me Al-Nassrin, sipas “TalkSPORT”, përcjell “Zëri”.

Edhe pse kontrata e tij aktuale me klubin e Ligës Pro Saudite është vendosur të zgjasë deri në verën e vitit 2025, sulmuesi 39-vjeçar thuhet se është i hapur për t’i shtuar edhe një vit kontratës së tij në Arabinë Saudite.

Ronaldo ka qenë në formë të jashtëzakonshme që kur iu bashkua Al-Nassrit, duke shënuar 33 gola në 28 ndeshje të ligës këtë sezon. Performanca e tij ka rritur ndjeshëm profilin e klubit dhe pozicionin konkurrues në Ligë. Zgjatja e mundshme do ta mbante Ronaldon në Al-Nassr deri në verën e vitit 2026, duke siguruar që klubi të mbajë një nga talentet më të njohur të futbollit në botë për një periudhë të gjatë. /Zëri