Carlos Tevez shtrohet në spital për shkak të dhimbjeve në gjoks

Ish-ylli i Manchester Cityt dhe Manchester Unitedit, Carlos Tevez, është shtruar në spital për shkak të dhimbjeve në gjoks.

Sipas skuadrës së lartë argjentinase C.A. Independiente, klubi që drejton 40-vjeçari, ish-sulmuesi u shtrua në spitalin e Buenos Aires të martën pasi kërkoi ndihmë mjekësore. Klubi shtoi se testet në Spitalin La Trinidad në San Isidro ishin “të kënaqshme” dhe do të japin përditësime për gjendjen e tij në kohën e duhur.

Klubi argjentinas shkroi në Twitter: “Trajneri ynë, Carlos Tevez, hyri në Sanatoriumin La Trinidad në San Isidro me dhimbje gjoksi. Ata kryen studimet përkatëse dhe ishin të kënaqshme. Nesër do të vazhdojmë me një sërë provimesh të planifikuara paraprakisht si pjesë e një kontroll i përgjithshëm që kryhet zakonisht”.

Ata më vonë shtuan: “Carlos Tevez do të shtrohet në spital si masë paraprake derisa të përfundojnë studimet përkatëse”.

Tevez shijoi një karrierë të shkëlqyer, duke luajtur për Cityn, Unitedin, Juventusin dhe Boca Juniorsin, së bashku me kombëtaren e Argjentinës.

Në vitin 2021, ai u tërhoq nga futbolli përpara se të merrte role drejtuese në Rosario Central dhe së fundmi në Independiente në vendlindjen e tij, Argjentinë. /Zëri

Carlos Tevez quedará internado por precaución hasta que termine de realizarse los estudios correspondientes. https://t.co/Xf3tVa6wXH

— C. A. Independiente (@Independiente) April 24, 2024