Salah rikthehet në stërvitje me Liverpoolin

Mohamed Salah u pa në stërvitje me Liverpoolin me një buzëqeshje të madhe në fytyrë sot (e martë) pasi ishte rikuperuar tashmë nga dëmtimi i tij.

Salah nuk ka luajtur për Liverpoolin që nga dita e Vitit të Ri, pasi pësoi një dëmtim të rëndë në muskulin e kofshës në fazën e grupeve të Kupës së Afrikës (AFCON) me Egjiptin që e detyroi atë të kthehej herët në Anfield për trajtim. 

31-vjeçari fillimisht pritej të ishte jashtë për një periudhë të konsiderueshme, por është rikuperuar përpara afatit dhe dukej të ishte në gjendje të mirë shpirtërore kur doli në terrenin stërvitor në Melwood të martën në mëngjes.

Salah filloi të merrte pjesë në stërvitje të lehta përsëri në fillim të muajit, por nuk ishte mjaftueshëm i aftë për të bërë rikthimin e tij për fitoren 3-1 të Liverpoolit ndaj Burnleyt në fundjavë. 

Djemtë e Jurgen Kloppit tani po përgatiten për një udhëtim të domosdoshëm në Brentford më 17 shkurt, dhe me Salahun që tani është rikthyer me skuadrën e parë, ai mund të vihet në garë për disa minuta në stadiumin “Gtech Community”. /Zëri