Katari me tre gola nga penalltitë shpallet kampion i Azisë për herë të dytë në histori

Katari ka mposhtur në finale Jordaninë të Kupës së Azisë me rezultat 3-1 për tu shpallur kampion për herë të dytë.

Pjesa e parë solli vetëm një gol nga Katari dhe atë të shënuar nga Akram Afif nga pika e bardhë për 1-0 në minutën e 22-të.

Në mesin e pjesës së dytë, Jordania arriti të barazojë rezultatin me Yazan Al Naimat në 1-1 në minutën e 67-të.

Pas gjashtë minutash Katari fitoi sërish penallti dhe ishte sërish Afif që shënoi për 2-1.

Jordania u mundua të barazojë rezultatin, por nuk ia arriti, ndërsa Katari fitoi edhe një penallti në kohën shtesë.

Afif kompletoi het-trikun nga pika e bardhë në minutën e tretë të kohës shtesë për 3-1.

Katari në fund festoi, trofeun e dytë në histori në Kupën e Azisë. /Telegrafi/