Liverpooli rikthehet te fitoret, mposht Burnleyn në shtëpi
Sport
February 10, 2024 - 18:02
Pas humbjes së pësuar xhiron e kaluar ndaj Arsenalit, Liverpooli u rikthye sot te fitorja në Premierligë.
Skuadra e drejtuar nga Jurgen Klopp triumfoi në shtëpi ndaj Burnleyt, në ndeshjen e vlefshme për javën e 24-të.
Takimi në “Anfield” përfundoi me rezultatin 3:1.
Diogo Jota (31′), Luis Diaz (52′) dhe Darwin Nunez (79′) shënuan golat e fitores për “Të Kuqtë”.
Golin e vetëm për skuadrën mysafire e realizoi Dara O’Shea (45′).
Liverpooli pas kësaj fitore ka 54 pikë dhe vazhdon të jetë lider në tabelë, me dy pikë më shumë se Manchester City, që mban pozitën e dytë. Por, “Qytetarët” kanë një ndeshje më pak.
Burnley mbetet në kuotën e 13 pikëve dhe ndodhet në pozitën e parafundit (19).