Xavi kërcënoi se do të dorëhiqej nëse Barça do ta shiste Araujon te Bayern Munich

Xavi thuhet se do të jepte dorëheqjen nëse Barcelona do të kishte sanksionuar shitjen e Ronald Araujos te Bayern Munich përpara se të njoftonte përfundimisht largimin e tij gjatë verës.

Ndjekja e bavarezëve për Araujon nga Barcelona ishte sekreti më i keq i mbajtur gjatë afatit kalimtar të janarit. Bayerni ishte i gatshëm të investonte 80 milionë euro në qendërmbrojtësin e talentuar, pasi Thomas Tucheli është një admirues i madh i mbrojtësit.

Sipas “The Athletic”, trajneri i Barcelonës Xavi mbeti këmbëngulës për të mbajtur mbrojtësin dhe kërcënoi se do të jepte dorëheqjen nëse Araujo shitej. Bayerni nuk mbeti pa zgjidhje tjetër veçse të zhvendoste fokusin në objektiva të tjerë dhe në fund zgjodhi një zgjidhje më ekonomike dhe afatshkurtër duke siguruar Eric Dierin nga Tottenham Hotspuri në një huazim gjashtëmujorë, me një opsion për një sezon shtesë të plotë.

Tucheli është aq i magjepsur me mbrojtësin sa thuhet se ka pasur një telefonatë me Araujon për ta bindur atë të bëjë një lëvizje në Gjermani. Bayern kishte shpresuar që një Barcelonë me para të kufizuara përfundimisht do të dorëzohej në paketën financiare të ofruar, por Xavi kishte ide të tjera.

Ndjekja e Dierit nga Bayerni nxjerr në pah ndikimin e Harry Kanes, i cili mbrojti shokun e tij të skuadrës prej kohësh në diskutimet me trajnerin Tuchel. Ai ka bërë dy paraqitje në Bundesligë që kur u bashkua me kampionët në fuqi të Gjermanisë dhe do të shpresonte të mbante vendin e tij kundër Borussia Monchengladbachut të shtunën.

Ndërkohë, Xavi do të kërkojë të drejtojë skuadrën e tij drejt një fitoreje kundër Alavesit jashtë shtëpisë në një ndeshje të ligës për të zvogëluar diferencën prej 10 pikësh me liderin Real Madridin. /Zëri