Qëndrim Zyba prezantohet si lojtar i ri te Legia Varshava
Mesfushori kosovar Qëndrim Zyba është prezantuar sot (e premte) si lojtar i ri i klubit polak, Legia Warszawa.
Dje gjatë mbrëmjes Ballkani konfirmoi finalizimin e marrëveshjes me klubin polak për Zybën.
Edhe pse gjatë gjithë javës u përfol për një shitje të plotë, kampioni i Kosovës zbuloi se marrëveshja ishte një huazim me të drejtë blerjeje.
Sot, Legia ka prezantuar blerjen e re, duke i uruar suksese në klub.
“Përfaqësuesi 22-vjeçar i Kosovës, Qëndrim Zyba, dy herë kampion dhe fitues i kupës kombëtare, u huazua te Legia Warszawa për gjashtë muaj me mundësi blerjeje edhe për dy vjet e gjysmë. Suksese Qëndrim Zyba!”, shkruhet në postim e tyre.
Pas prezantimit, Zyba ka thënë se është gati të japë më të mirën.
“Dua t’i jap Legias gjithë të mirat dhe të fitoj njohjen e tifozëve me paraqitjet e mia të mira”, ka thënë mesfushori therandas.
E drejta e blerjes për njërin nga mesfushorët më të mirë në Kosovë viteve të fundit thuhet se është rreth 500 mijë euro. /Telegrafi
ë - Chciaëbym daë Legii wszystko, co najlepsze i zapracowaë na uznanie fanów swoimi dobrymi wystëpami. - Qendrim Zyba
— Legia Warszawa ë (@LegiaWarszawa) February 2, 2024
Powodzenia! ë pic.twitter.com/otlMxgfmEb
