Armend Thaqi shprehet i lumtur që është pjesë e formacionit të vitit në Superligë

Federata e Futbollit e Kosovës (FFK) mbajti sonte ceremoninë “Laureatët 2023”.

Në këtë ceremoni u zgjodh edhe formacioni më i mirë i vitit.

Pjesë e këtij formacioni është edhe anëtari i Ballkanit, Armend Thaqi.

Reprezentuesi kosovar, që është i ftuar në emisionin “Favorit”, tha: “Futbollin e luajmë për të fituar trofe. Normal që është arritje e madhe të shpallem më i miri në pozitën e mbrojtësit të djathtë. Vuajtjet dhe sukseset po na mbulojnë ato sakrificat që po kalojmë”.

“Mendoj se e kemi bërë një harmoni të mirë. Kuptohemi shumë mirë në fushë. Të jesh në formacionin e vitit me pesë bashkëlojtarë normal që është ndjenjë e mirë”.