Ramiz Sadiku: Objektivi ynë mbrojtja e trofeut të Kupës

FC Prishtina nesër (e meërkurë) do të përballet me Rahovecin, ndeshje kjo e vlefshme për 1/16 të Kupës së Kosovës.

Ndeshja fillon në orën 12:00 dhe do të zhvillohet në stadiumin “Liman Ggeah” në Malishevë.

Para ndeshjes, ka folur futbollisti i Prishtinës, Ramiz Sadiku ku tha se objektivi është mbrojtja e trofeut.

“Jemi fitues të Kupës dhe duam që patjetër të mbrojmë këtë trofe që nga përballja e nesërme me Rahovecin, skuadër kjo, edhe pse nuk e njohim mirë, ka respektin tonë maksimal.

“Jemi përgatitur maksimalisht për këtë përballje, si për çdo përballje tjetër, me shumë seriozitet. Andaj besoj shumë, që nesër me sukses do ta kalojmë këtë raund të parë garash për të vazhduar drejt objektivit të mbrojtjes së trofeut”, u shpreh Sadiku. /Zëri