Kurti pas humbjes së Kosovës në “Fadil Vokrri”: Mundemi më shumë se kaq, jemi me shpresë e besim për të ardhmen

Kosova është mposhtur nga Bjellorusia në ndeshjen e fundit të ciklit kualifikues të kampionatit evropian “Euro 2024”.

Ndeshja e zhvilluar në stadiumin “Fadil Vokrri” përfundoi me rezultat 0-1.

Golin për bjellorusët e shënoi Antilevski krejt në fund të pjesës së parë. 

Në fakt, Kosova ishte dukshëm më dominuese teksa kishte edhe disa raste bukura shënimi nga Florent Muslija, mirëpo pa konkretizim të golit.

Deri në fund nuk pati më gola dhe ndeshje mori rezultatin 0-1.

Kjo ndeshje nuk kishte vlerë pasi që dyjat skuadrat luajtën vetëm për statistika, teksa ishin pa gjasa për kualifikim.

Pas humbjes, ka reaguar edhe kryeministri i Kosovës, Albin Kurti.

Kurti me anë të një postimi në faqen e tij në Facebook, ka shkruar se Kosova mundet më shumë, duke u shprehur optimist për të ardhmen.

“Mundemi më shumë se kaq, sepse jemi më të mirë se sonte. Andaj jemi me shpresë e besim për të ardhmen. Kurse mbështetjen do ta keni gjithmonë, pa kushte” – ka shkruar Kurti në rrjetin social.

Kosova i mbyll kualifikimet me humbje, teksa zë vendin e pestë me 11 pikë në Grupin I, ndërsa Bjellorusia renditet në një pozitë më lart e me një pikë me shumë (12). /Zëri