Fernandesi flet për transferimin e mundshëm saudit

Kapiteni i Manchester Unitedit, Bruno Fernandes, ka insistuar se është i lumtur në klub, pavarësisht raporteve që e lidhin atë me një lëvizje në ArabinëSaudite.

Kapiteni i Unitedit, Fernandesi thuhet se kërkohet nga Fondi i Investimeve Publike të Arabisë Saudite (PIF), pronar i katër skuadrave të Ligës Pro Saudite. Pavarësisht se është kapiten i Unitedit, paraqitjet dhe qëndrimi i mesfushorit kanë tërhequr kritika gjatë vitit të kaluar. Megjithatë, 29-vjeçari ka hedhur ujë mbi thashethemet se ai mund të largohet nga “Old Trafford”.

Që kur Cristiano Ronaldo iu bashkua Al-Nassrit në janar, disa emra të mëdhenj i janë bashkuar projektit saudit. Karim Benzema, Sadio Mane, Riyad Mahrez dhe Neymar të gjithë u larguan nga klubet më të mira evropiane, ndërsa yjet më të rinj si Ruben Neves dhe Gabri Veiga gjithashtu morën hov.

Fernandesi dhe Unitedi kanë duruar një fillim të dobët të sezonit, por për momentin ai mbetet i përkushtuar ndaj projektit të Erik ten Hag.

Duke folur për “Sport TV”, Fernandesi tha: “Unë jam duke u fokusuar te kombëtarja dhe United. Jam i lumtur këtu ku jam. Në ekipin kombëtar, kemi pasur disa momente shumë të mira, në Manchester United nuk e filluam rrugën ne donim. Unë nuk i shikoj thashethemet. Nuk u kushtoj vëmendje atyre. Sot është shumë e lehtë të përhapësh thashetheme në shtyp. Preferoj të përqendrohem në qëllimet e mia”.

Vetëm koha do të tregojë se sa i fortë është angazhimi i Fernandesit ndaj Unitedit. Kontrata e tij skadon në vitin 2026, kohë në të cilën ai do të jetë 31 vjeç. /Zëri