Shaqiri: Duhet të ndreqet stadiumin se është marrë me pa bota atë fushë, kur të rregullohen këto gjëra të vogla - kualifikoheni

Kosova ka arritur të nxjerr një barazim në udhëtim te Zvicra në kuadër të kampionatit evropian “Euro 2024”.

Ndeshja e zhvilluar në stadiumin “St.Jakob-Park” përfundoi me rezultat 1-1.

Golin për Zvicrën e shënoi Vargasi kurse për Kosovën e realizoi Muhamet Hyseni.

Kësisoj, barazimi i mundëson Zvicrës që të kualifikohet në Evropian, ndërsa Kosova tashmë është pa gjasa.

Xherdan Shaqiri ka thënë se është marre me pa bota se në çfarë stadiumi luan Kosova, duke iu referuar “Fadil Vokrrit”.

"Shpresoj që një ditë Kosova të kualifikohet. Duhet me pas ambient të mirë mes vete, mes lojtarëve. Duhet me ndreq stadiumin se është marrë me pa bota atë fushë. Dhe kur të rregullohen këto gjëra të vogla, kualifikoheni”, ka thënë Shaqiri.

Ai ka shtuar se Kosova ka shumë talent dhe pret të kualifikohen shpejt.