Gruaja e Messit, Antonela lë të kuptohet se Suarezi është gati t’i bashkohet Inter Miamit

Gruaja e Messit, Antonela Roccuzzo ka lënë të kuptohet se Luis Suarez është gati t’i bashkohet Inter Miamit me postimin e saj të fundit në rrjetet sociale.

Suarezi pritet të largohet nga Gremio dhe të lidhet me Lionel Messin dhe ish-bashkëlojtarët e Barcelonës, Jordi Alba dhe Sergio Busquets në Inter Miami. 

Një marrëveshje njëvjeçare me një opsion për 12 muaj të tjerë thuhet se tashmë është rënë dakord, me Suarezin që do të luajë në MLS në vitin 2024. Gruaja e Messit me siguri duket se mezi pret të kalojë shumë kohë me familjen Suarez së shpejti.

Roccuzzo festoi ditëlindjen e shoqes së saj në Instagram me një sërë imazhesh dhe mbishkrimin “Gëzuar ditëlindjen”. Ajo gjithashtu ka shkruar: “Për më shumë të qeshura, më shumë histori dhe më shumë perëndim dielli së bashku. Të adhuroj dhe më mungon. PS: duhet të rinovojmë fotot mike".

Trajneri i Gremios, Renato Gaucho tashmë ka thënë se “do të duhet një mrekulli” për të mbajtur Suarezin, ndërsa trajneri i Inter Miamit, Tata Martino ka pranuar se uruguaiani është në planet e tij për të ardhmen.

Suarezi dhe Messi janë miq të ngushtë dhe kaluan gjashtë vjet së bashku në Barcelonë përpara se ish-sulmuesi i Liverpoolit të konsiderohej i tepërt ndaj kërkesave në një lëvizje që zemëroi Messin. Ish-lojtari i Liverpoolit ka pranuar më parë se dy lojtarët ëndërrojnë të pensionohen së bashku dhe tani duket se ata do ta shohin dëshirën e tyre të plotësuar. /Zëri