![Ballkani niset drejt Çekisë, nesër do të përballet me Viktoria Plzenin](/uploads/zeri.info/images/2023/September/20/auto_Va-600x3601695193498.jpg)
Ballkani niset drejt Çekisë, nesër do të përballet me Viktoria Plzenin
Kontingjenti i klubit të futbollit Ballkani e ka marrë sot rrugën drejt Republikës Çeke, atje ku do ta zhvillojë ndeshjen e parë të fazës së grupeve të Ligës së Konferencës.
Kampioni kosovar e ka bërë një postim informues për nisjen e ekipit, duke ia përcjellë atij disa fotografi në rrjetet sociale.
“Mirëmëngjesi nga aeroporti ‘Adem Jashari’. Skuadra po niset për në Çeki, ku do ta zhvillojmë duelin e parë të fazës së grupeve në UECL. Na priftë e mbara!”, shkroi klubi nga Suhareka.
Ballkani do të përballet me ekipin e njohur çek, Viktoria Plzen, ndërsa do të mundohet të nxjerrë rezultat pozitiv atje.
Ekipi Portokalli është sensacion i vërtetë edhe në këtë edicion, njëjtë si vitin e kaluar, kur ishte kualifikuar po ashtu në fazën e grupeve të kësaj gare.