Gliha: I veçantë rikthimi i dyfishtë ndaj një ekipi si Zvicra

Kosova ka arritur të nxjerr barazim ndaj Zvicrës në kuadër të kualifikimeve të kampionatit evropian “Euro 2024”.

Ndeshja e zhvilluar në stadiumin “Fadil Vokrri” përfundoi me rezultat 2-2

Golat për Kosovën i shënoi Vedat Muriqi (65’, 90+4), kurse për Zvicrën realizoi Freuler dhe Amir Rrahmani autogol.

Pas ndeshjes, trajneri i Kosovës, Primoz Gliha u shpreh i lumtur dhe tha se ishte e veçantë rikthimi i dyfishtë ndaj një ekipi si Zvicra.

“Ishte e planifikuar të luanim në mbrojtje në pjesën e parë dhe më pas në të dytën të sulmonim. Ishte e veçantë që të riktheheshim dy herë kundër një ekipi si Zvicra. Lojtarët që u inkuadruan në pjesën e dytë patën impakt të madh”, tha Gliha.

Me këtë barazim, Kosova e sheh vetën në vendin e pestë me katër pikë kurse Zvicra lidere me 11 sosh. /Zeri