Muriqi: Sot treguam se kush jemi ne

Kosova ka arritur të nxjerr barazim ndaj Zvicrës në kuadër të kualifikimeve të kampionatit evropian “Euro 2024”.

Ndeshja e zhvilluar në stadiumin “Fadil Vokrri” përfundoi me rezultat 2-2

Golat për Kosovën i shënoi Vedat Muriqi (65’, 90+4), kurse për Zvicrën realizoi Freuler dhe Amir Rrahmani autogol.

Pas ndeshjes, golashënuesi i dy golave, Vedat Muriqi tha se sot treguan se kush janë ata.

“Golat në minutat e fundit janë gjithmonë të veçantë. Dua të falënderoj dhe uroj bashkëlojtarët e mi. Ka qenë një angazhim i jashtëzakonshëm nga të gjithë. Sot treguam se kush jemi ne. Ka qenë e rëndësishme me marrë një pikë këtu, për me vazhdu me ëndërru. Korenica dha një asist perfekt, të klasit botëror”, tha Muriqi.

Me këtë barazim, Kosova e sheh vetën në vendin e pestë me katër pikë kurse Zvicra lidere me 11 sosh. /Zeri