Tifozët shqiptarë solidarizohen me Kosovën me këngë patriotike dhe me portretin e Adem Jasharit në “Air Albania” [video]

Sonte në stadiumin “Air Albania” po luhet ndeshja e rëndësishme Shqipëri-Moldavi, ndërsa tifozat kuqezi kanë “pushtuar” vendin.

Tifozat kuqezi kanë krijuar atmosferë fantastike, teksa kanë mbushur vendet dhe po mbështesin në maksimum kombëtaren e tyre.

Flamujt nisën të valëviteshin që përpara nisjes së ndeshjes, e më pas sartimi nisi ethet e lojës.

Gjatë ndeshjes nuk po mungojnë në asnjë moment këngët dhe brohorimat, për ti dhënë zemër futbollistëve të kombëtares.

Në një moment, tifozët shqiptar janë solidarizuar me Kosovën me këngë patriotike e me portretin e Adem Jasharit, kjo për shkak të situatës në veri të vendit duke treguar mbështetjen e tyre.

Ndërkohë, rezultati momental i ndeshjes është 1-0 në favor të kombëtares kuqezi.