Vinicius Jr do të mungojë për përballjen ndaj Rayo Vallecanos
Vinicius Junior thuhet se nuk është përfshirë në skuadrën e Real Madridit për t’u përballur me Rayo Vallecanon sonte (e mërkurë).
Anësori brazilian iu dha një karton i kuq në fazat e fundit të humbjes 1-0 të Realit në Valencia, pasi u shfaq për të goditur Hugo Duron. Megjithatë, Viniciusi i ishte nënshtruar abuzimit racist gjatë gjithë ndeshjes dhe La Liga njoftoi vendimin e tyre për të anuluar pezullimin e tij përpara ndeshjes së radhës të Realit kundër Rayos.
Viniciusi pritej të kthehej menjëherë në formacionin e Carlo Ancelottit, por sipas “The Athletic” ai do të humbasë ndeshjen për shkak të lëndimit.
22-vjeçari po lufton me siklet në gjurin e tij të majtë dhe gjithashtu mund të mungojë kur Reali të përballet me Sevillan në stadiumin “Ramon Sanchez Pizjuan” të shtunën. Skuadra e Ancelottit ra në vendin e tretë në renditjen e Ligës pas humbjes së tyre ndaj Valencias, një pikë prapa rivalit të vjetër Atletico Madridit.
Në anën tjetër, e gjithë bota e futbollit është bashkuar me Viniciusin pas skenave të shëmtuara në Mestalla, me Kylian Mbappen dhe Neymarin në mesin e atyre që dërguan mesazhe mbështetjeje për yllin e Realit. Viniciusi ka përdorur vetë në rrjetet sociale për të kritikuar La Ligën se nuk ka bërë sa duhet për të eliminuar racizmin në Spanjë.
Presidenti i La Ligës, Javier Tebas, ndërkohë, ka bërë pak për të ndihmuar situatën duke i dhënë një përgjigje të drejtpërdrejtë të diskutueshme Viniciusit duke i thënë atij që “informohu siç duhet”. /Zeri.info
