KV Ulpiana siguron pjesëmarrjen në Superligën A
Sport
April 08, 2023 - 20:04
Lajmet e fundit nga Sporti
Ulpiana ka siguruar promovimin në Superligën A nga edicioni i ardhshëm, pasi në ndeshjen e barazhit mposhti Prishtinën, në ndeshjen që u luajt të shtunën pasdite.
Ulpiana, si kampione e Superligës B, perëndim, fitoi kundër kampiones së Superligës B, lindje, Prishtinës, me rezultat 0-3 (18-25, 21-25, 20-25).
Ishte një fitore kryesisht komode për mysafirët, të cilët nuk rrezikuan humbjen e asnjërit set.
Ulpiana edicionin e ardhshëm konkurron në ligën elitare të volejbollit kosovar, ndërsa Prishtina luan në Playout me ekipin e vendit të pestë të Superligës A.
Komesari i Garave, Ardian Ibraj dhe gjyqtari i mirënjohur i volejbollit, Agim Lumi, ndanë trofeun dhe medaljet. /Zeri.info
