![Kosova U21 luan dy miqësore në Turqi, kjo është lista e futbollistëve të ftuar nga Tovërlani](/uploads/zeri.info/images/2023/March/18/auto_7B34E0F9-ED13-4472-9E90-31486A4142771679165142.jpeg)
Kosova U21 luan dy miqësore në Turqi, kjo është lista e futbollistëve të ftuar nga Tovërlani
Përfaqësuesja e Kosovës U21 këtë muaj do ta shfrytëzojë për t’i zhvilluar dy ndeshje miqësore, në mënyrë që të përgatitet sa më mirë për ndeshjet kualifikuese për Evropianin ‘Sllovakia 2025”.
Në fakt, Dardanët U21, të hënën, do të udhëtojnë në Antalya, atje ku do të zhvillojnë kampin e radhës përgatitor dhe ku do t’i luajnë dy miqësore: fillimisht kundër Moldavisë U21, më 24 mars në Antalya dhe më pas kundër Turqisë U21, më 27 mars në Alanya. Përzgjedhësi Afrim Tovërlani për këto dy miqësore ka ftuar 23 futbollistë.
Pjesë e listës ishin edhe futbollisti i FC Freiburg, Andi Hoti dhe futbollisti i Malishevës, Drilon Hazrollaj, por ata kësja radhe nuk do të mund të jenë në dispozicion për shkak të lëndimeve. Kombëtarja e Kosovës U21 është e përfshirë në Grupin D për kualifikimet e Evropianit 2025, ku bëjnë pjesë edhe Gjermania, Polonia, Izraeli, Bullgaria dhe Estonia. Ciklin kualifikues Dardanët U21 e fillojnë në më 20 qershor në shtëpi ku do të përballen me Estoninë. /Zeri.info