Milan – Inter: Statistika, analizë, formacionet e mundshme dhe parashikim për Superkupën e Italisë

Milani dhe Interi do të ndeshen sot (e mërkurë) në ndeshjen Derby della Madoninna, e vlefshme për finalen e Superkupës së Italisë.

Rossonerët vijnë si fitues të Scudettos dhe Nerazzurrët si fitues të Kupës së Italisë, për të luajtur një finale të madhe sot në Arabinë Saudite.

Vendi: King Fahd Stadium

Koha: 20:00

Lajme rreth ekipeve:

Milan

Divock Origi dhe Simon Kjaer do të jenë në bankinë pas paraqitjes ndaj Lecces.

Sandro Tonali do të startojë në mesfushë pas vuajtjes së një pezullimi të shtunën.

Inter

Samir Handanovic dhe Marcelo Brozovic janë përfshirë në listën e skuadrës, por nuk pritet të paraqiten sot (e mërkurë).

Ndërkohë, Denzel Dumfries dhe Romelu Lukaku kanë rifilluar stërvitjet dhe mund të inkuadrohen nëse do të jetë e nevojshme.

Fakte

Milani e ka fituar me rezultat 3-2 përballjen e fundit me Interin.

Interi ka pesë fitore, dy barazime dhe tri humbje në 10 ndeshjet e fundit ndaj Milanit.

Interi ka katër fitore dhe një barazim në pesë ndeshjet e fundit, ndërsa Milani vetëm një fitore, dy barazim dhe dy humbje.

Analiza

Milani duroi një mbrëmje të vështirë të shtunën pasi pësoi dy gola në pjesën e parë dhe shumë raste kundër një ekipi në formë si Lecce, por arriti të shpëtojë një pikë me një performancë të përmirësuar në pjesën e dytë.

Goli i hershëm i Lautaro Martínez ishte i mjaftueshëm për Interin për të rrëmbyer të tre pikët kundër Veronës së kërcënuar për rënie në San Siro në fundjavë.

Fitimi i Superkupës kundër rivalëve të tyre të përjetshëm do të ishte një rezultat i mrekullueshëm për kuqezinjtë dhe ndoshta diçka për t’u ndërtuar teksa ata ndjekin Napolin në garën për titull, megjithëse Interi, i cili fitoi garën e vitit të kaluar është i pamposhtur në 11 ndeshjet e fundit dhe mburret me një trajner me një përvojë të fortë fituese në kupat vendase.

Formacionet e mundshme:

Milan (4-2-3-1): Tatarusanu; Calabria, Kjaer, Tomori, Theo Hernandez; Bennacer, Tonali; Saelemaekers, Brahim Diaz, Leao; Giroud.

Inter (3-5-2): Onana; Skriniar, Acerbi, Bastoni; Darmian, Barella, Calhanoglu, Mkhitaryan, Dimarco; Dzeko, Lautaro Martinez.

Parashikimi: Milan 1-1 Inter

/Telegrafi