Legjenda e Arsenalit, Parlour: Ata duhen ta mbajnë Parteyn në formë për të mbajtur gjallë shpresat për titullin e Premierligës

Legjenda e Arsenalit, Ray Parlor, ka pretenduar se “Topçinjtë” duhet ta mbajnë Thomas Parteyn në formë dhe të disponueshëm nëse dëshirojnë të mbajnë gjallë shpresat për titull në Premierligë.

Pas një fillimi të shkëlqyer të sezonit të Premierligës, Arsenali e gjen veten në krye të tabelës duke shkuar në pushimin e Kupës së Botës me pesë pikë epërsi ndaj kampionit në fuqi, Manchester Cityt.

Parlouri, i cili fitoi titullin tre herë me “Topçinjtë”, ka shpjeguar se si mendon se Partey është çelësi për shanset e klubit të tij të vjetër për të fituar titullin e Premierligës për sezonin 2022-2023.

Duke folur për “talkSPORT”, ish-mesfushori i Arsenalit tha: “Unë mendoj se Partey ka qenë kaq i rëndësishëm. Nëse Arsenali do të shkojë diku afër duke u përpjekur për të fituar një titull, ai duhet të qëndrojë në formë sepse sezonin e kaluar, ai kishte shumë, por ai ka qenë një instrument i vërtetë në atë mesfushë, vetëm duke e mbajtur atë në rregull, lojtar shumë efikas, mund të lëvizë në fushë, shumë i lëvizshëm”.

Skuadra e Mikel Artetës ka fituar 14 nga 16 ndeshjet e luajtura deri më tani këtë sezon, me vetëm një barazim dhe një humbje të vetme të regjistruar. Partey ka qenë çelësi i fillimit të tyre të shkëlqyer. /Zeri.info