Ramos: Është privilegj të luash me Messin

Sergio Ramos e ka përshkruar të luajë së bashku me Lionel Messin për Paris Saint-Germainin si një “privilegj” dhe thotë se ata kanë një marrëdhënie të shkëlqyer.

Për më shumë se një dekadë, të dy lojtarët ishin rivalë të ashpër kur luanin respektivisht për Real Madridin dhe Barcelonën.

Dyshja u lidh për herë të parë me PSG-në në vitin 2021 dhe është sugjeruar se fillimisht nuk shkuan shumë mirë, por Ramos tani ka zbuluar se marrëdhënia mes të dyve po lulëzon dhe thotë se ka një respekt të thellë për të.

“Është diçka që unë mendoj se krijon kuriozitet tek të gjithë. Por në fund, ne jemi lojtarë që kemi të njëjtin objektiv, që është të fitojmë me Paris Saint-Germain dhe ta bëjmë ekipin të madh. Marrëdhënia ime me Messin është e shkëlqyeshme. Ka një respekt të madh mes lojtarëve dhe një gjendje shpirtërore të shëndetshme”, u tha Ramos gazetarëve.

“Sa herë që ju jepet zgjedhja për të pasur Messin me ose kundër jush, përgjigja është e shpejtë dhe e sinqertë. Leo vazhdon të performojë në nivelin më të lartë. [Messi] është ende një nga lojtarët më vendimtar në botë dhe një nga më të mirët, është privilegj ta kesh në skuadër. Është shumë më keq ta kesh kundër teje, kam vuajtur kundër tij për shumë vite”. /Zeri.info