Rikthehet Albi Mall Superliga e Kosovës, spikat derbi mes Prishtinës dhe Dritës

Albi Mall Superliga e Kosovës rikthehet sot (e mërkurë) në aksion, për të zhvilluar ndeshjen që kishte mbetur nga xhiroja e parë dhe ajo nga e treta.

Malisheva dhe Ballkani do të përballen në stadiumin “Liman Gegaj”, me fillim në orën 13:00.

Skuadra nga Suhareka gjendet në vendin e tretë me 12 pikë, ndërsa ajo malishevase në të tetin me shtatë sosh.

Por, derbi i kësaj dite është pa dyshim në mes të Prishtinës dhe Dritës, që ishte në program për t’u zhvilluar në javën e tretë.

Drita është aktualisht lidere me 17 pikë, ndërsa Prishtina gjendet në pozitën e katërt me 11 sosh.

Ndeshja që do të zhvillohet në stadiumin “Fadil Vokrri” do të fillojë në orën 19:00. /Zeri.info