Incidentet në ndeshjen Shqipëri-Poloni, FIFA dënon rëndë Federatën Shqiptare të Futbollit

Incidentet në ndeshjen Shqipëri-Poloni, FIFA dënon rëndë Federatën Shqiptare të Futbollit

Sport October 22, 2021 - 19:27
Lajmet e fundit nga sporti

Federata Shqiptare e Futbollit është njohur mbrëmjen e sotme me vendimin e marrë nga Komiteti Disiplinor i FIFA-s, në lidhje me incidentet e ndodhura në ndeshjen Shqipëri-Poloni, e luajtur më datë 12 tetor 2021 në “Air Albania Stadium”, përcjell Zeri.info.

Vendimi i sotëm ndëshkon Federatën Shqiptare të Futbollit me një gjobë prej 150 mijë frangash dhe detyron që të luajë ndeshjen e fundit eliminatore për Kampionatin Botëror “Katar 2022” pa praninë e tifozëve, ka njoftuar FSHF.

Federata Shqiptare e Futbollit gjithashtu ka njoftuar se do vlerësojë mundësitë për ankesë.

“FSHF shpreh keqardhjen për këtë vendim të marrë dhe do të ndërmarë të gjithë masat e nevojshme që situata të tilla, të shkaktuara nga disa individë, mos të ndodhin më në të ardhmen dhe të mos dëmtojnë Kombëtaren tonë në paraqitjen e tyre ndërkombëtare.

Federata do të vlerësojë mundësitë për ankimimin e vendimit brenda afateve të parashikuara” – thuhet në njoftim. /Zeri.info