Botërori i femrave/ Kosova pëson humbje të thellë nga Belgjika
Sport
October 21, 2021 - 21:52
Lajmet e fundit nga sporti
Përfaqësuesja A e Kosovës në konkurrencën e femrave, e ka pësuar humbjen e dytë në kualifikimet për Kampionatin Botërorit “Australi – Zelandë e Re 2023”, shkruan Zeri.info.
Vashat e Kosovës pësuan humbje nga Belgjika, në ndeshjen e raundit të tretë në Grupin F.
Belget shënuan fitore të thellë, me rezulatatin 7-0.
Tessa Wullaert shkëlqeu në këtë ndeshje me tre gola, dy shënoi Justine Vanhaevermaet, kurse nga një Janice Cayman dhe Tinne De Caigny.
Pas kësaj fitore, Belgjika është lidere e grupit me shtatë pikë, aq sa ka edhe Norvegjia e dyta.
Në pozitën e tretë renditet Polonia me pesë pikë, e katërta është Shqipëria me katër pikë, teksa Kosova është e pesta me vetëm një pikë.
Armenia pozicionohet e fundit me zero pikë. /Zeri.info
