Ndërron jetë ish-futbollisti dhe drejtori i Ferizajt, Nadir Haxhimusa
Nadir Haxhimusa, i njohur si futbollist i spikatur i Ferizajt, ndërsa në vitet e fundit edhe si drejtues, ka ndërruar jetë sot (e enjte) në moshën 55-vjeçara, shkruan Zëri.info.
Lajmin për vdekjen e ish-futbollistit dhe ish-drejtorit sportiv të Ferizajt e ka konfirmuar kryetari i Komunës së Ferizajt, Agim Aliu.
Nadiri ishte sulmues i KF Ferizajt dhe me paraqitjet e tij la gjurmë të pashyeshme në futbollin kosovar, duke u shndërruar në model për shumë breza të rinj ferizajas.
Edhe pas përfundimit të karrierës si lojtar, Nadiri gjithmonë i qëndroi afër klubit të tij të zemrës, duke e ndihmuar në forma të ndryshme rritjen e tij, si drejtues dhe menaxher i sukseseshëm.
Kontributi i tij në klub ishte i jashtëzakonshëm dhe pa dyshim ishte ndër punëtorët më të dalluar sportivë në klub. /Zëri.info