Llapi “thumbon” Ballkanin: Përballemi me rivalin e eliminuar në Kupë
Sport
February 25, 2021 - 23:52
Detaje
Xhiro e 22-të në kampionatin elitar të Kosovës vazhdon këtë fundjavë me takimet e radhës, shkruan “Zeri.info”.
Vëmendja më e madhe do të jetë në stadiumin “Zahir Pajaziti” aty ku Llapi e mirëpret Ballkanin e Suharekës.
Llapjanët gjatë mbrëmjes kanë paralajmëruar ndeshjen me “portokallezinjtë” përmes faqes zyrtare duke e thumbuar ekipin kundërshtar.
“Derbi i javës së 22-të me rivalin e eliminuar në Kupë, Ballkanin transmetohet të dielën drejtpërdrejt në Klan Kosova dhe Art Sport 1”, shkruhet në njoftimin e KF Llapit.
Përballja ndërmjet Llapit dhe Ballkanit zhvillohet nga ora 13:00.
Kujtojmë se Llapi kishte siguruar kalimin tutje në Kupën e Kosovës falë fitores në penallti ndaj Ballkanit. /Zeri.info