Dardan Berisha, lojtari më i mirë i javës në basketbollin kosovar
Sport
December 10, 2020 - 17:10
Lajmet e fundit nga sporti
Ylli pejan Dardan Berisha ka qenë basketbollisti më i dalluar i javës së gjashtë në Prince Caffe Superligë.
Berisha në derbin e kësaj xhiro ndaj Golden Eagle Yllit shënoi 29 pikë, kishte edhe tetë kërcime e tri asistime, me një indeks prej 24.
“Kapiteni i Kosovës po vazhdon me formë të mirë, pasi formë të mirë tregoi edhe ndaj Bashkimit e Rahovecit. Ai ka ndihmuar skuadrën e tij këtë edicion, ku Peja ka regjistruar gjashtë fitore në gjashtë ndeshje”, ka shkruar FBK, transmeton “Zeri.info”.
Ndërkohë, Top-5 shënuesit e kësaj xhiro janë Dardan Berisha i Pejës me 29 pikë, Arti Hajdari i Ponte Prizrenit me 28, Isaiah Traylor i Rahovecit me 25, Kalin Fisher i Trepçës me 24 dhe Nikola Vukçeviq i Bashkimit me 24. /Zeri.info
