Kosova nisën për Shkup, tifozët “pushtojë” kufirin në Han të Elezit

Kosova sot ka marrë rrugë drejt Shkupit aty ku nesër nga ora 20:45 e zhvillon ndeshjen gjysmëfinale të Ligës së kombeve ku ndeshet me Maqedoninë e Veriut, shkruan “Zeri.info”.

Ndeshja ka zgjuar vëmendje të madhe pasi rëndësia e saj është e jashtëzakonshme. Për Kosovën ky takim do të jetë shumë i vështirë për shkak të mungesave të mëdha në formacione.

Federata e Futbollit e Kosovës ka njoftuar se ekipi tashmë ka marrë rrugë drejtë Shkupit, rrugë këtë të cilin e cilëson si realizim i ëndrrës.

Dhjetëra tifozë “dardanë” kanë dalë në rrugë përcjellje të ekipit të kombëtares së Kosovës në Han të Elezit.

Ndryshe, në pikën kufitare të Hanit të Elezit tifozët dardanë kanë organizuar përcjellje për yjet tanë për ndeshjen më të rëndësishme të Kosovës.