Man Unitedi e humbet Sanchon, kthen fokusin kah Chiesa
Pasi Borussia Dortmundi njoftoi se Jadon Sancho do të qëndrojë, Manchester Unitedi është kthyer te synimet tjera, përshirë Federico Chiesan dhe Douglas Costan.
Sancho ishte synimi numër një i Manchester Unitedit, por këtë pasdite, drejtori i Dortmundit, Michael Zorch e zbuloi të ardhmen e Sanchos, shkruan "Zeri.info".
Kjo nënkupton se Manchester Unitedi duhet të shikojë për futbollistë tjerë dhe fokusi i klubit mund të kthehet kah Serie A.
Reprezentuesi italian, Chiesa është 22-vjeçar dhe mund të luajë në pozita të ndryshme në sulm.
Ai është në shitje, por Fiorentina ka bërë me dije se nuk do ta lë të largohet nën shumën e 60-70 milionë eurove.
Chiesa ka shënuar 11 gola dhe ka dhuruar nëntë asistime në 37 ndeshje zyrtare edicionin e kaluar me Fiorentinën.
Edhe Douglas Costa i Juventusit është një opsion për "Djajtë e Kuq".
Braziliani nuk është në planet e Juventusit për të ardhmen, andaj mund të largohet, derisa për të interesim ka shprehur edhe Manchester City. /Zeri.info