Kalimi i Sanchos në Man United drejt dështimit
Nga Borussia Dortmundi deklarojnë se Jadon Sancho do të mbetet në klub pavarësisht interesimit të fortë të Manchester Unitedit.
Anësori anglez është objektivi kryesor i Ole Gunnar Solskjaerit këtë verë dhe bisedime mes të dyja klubeve janë zhvilluar javëve të fundit, shkruan "Zeri.info".
20-vjeçari do të udhëtojë me Dortmundin në Zvicër për një kamp stërvitor për edicionin e ri.
Andaj, drejtori i Dortmundit, Michael Zorc ka zbuluar detaje të reja për të ardhmen e Sanchos.
"Sancho do të luajë me ne edicionin e ardhshëm. Vendimi është përfundimtar. Unë mendoj se kjo i përgjigjet të gjitha pyetjeve. Verën e kaluar, ne ia rinovuam kontratën atij deri në vitin 2023", tha Zorc.
Raportohet se Dortmundi ka kërkuar 120 milionë euro nga Manchester Unitedi për ish-futbollistin e Manchester Cityt. /Zeri.info