Ademi aranzhon takim me ministrin Zemaj, diskutohet për stërvitjet dhe shkollat e futbollit
I pari i futbollit kosovar, Agim Ademi ka angazhuar një takim me ministrin e shëndetësisë, Armend Zemaj.
Përmes një njoftimi në rrjetin social "Facebook", kryetari i FFK-së ka thënë se do të kërkojë nga Zemaj të gjej modalitete për të lejuar zhvillimin e rregulltë të aktiviteteve sportive, shkruan "Zeri.info".
Njoftimi i plotë:
"Të dashur trajnerë e klube të futbollit,
Siç e dimë të gjithë aktivitetet sportive janë ndalur përkohësisht nga qeveria e Republikës së Kosovës për shkak të pandemisë Covid-19.
Nga ai vendim janë privuar nga aktiviteti i stërvitjeve shumë klube e shkolla të futbollit, shumë trajnerë nga puna e tyre, e shumë futbollistë nga mundësia për t’u stërvitur.
Në vazhdën e gjetjes së modaliteteve dhe realizimit të kërkesave tuaja, ne, sot kemi aranzhuar edhe një takim të radhës me ministren e Kluturës, Rinisë dhe Sportit, znj. Vlora Dumoshi dhe ministrin e Shëndetësisë, z. Armend Zemaj.
Me sportivitet i kalojmë të gjitha!
Me respekt,
Agim Ademi”. /Zeri.info