Benjamin Kololli e mbyll edicionin me supergol dhe asistim në barazimin dramatik të Zurichut
Me pesë ndeshjet e zhvilluara sonte, ka përfunduar edicioni 2019/20 në Superligën zvicerane në futboll.
Padyshim, ndeshja më interesante e xhiros së fundit u zhvillua mes skuadrës së Zurichut dhe Thunit në "Letzigrund Stadion", shkruan "Zeri.info".
Ndeshja e zhvilluar në praninë e rreth një mijë tifozëve u mbyll me rezultat të barabartë, 3:3.
Edhe në këtë ndeshje, Benjamin Kololli shkëlqeu për skuadrën e Zurichut.
Goli i Benjamin Kolollit pic.twitter.com/nYNCD0g876
— Magazina Sportive (@KosovoMagazine) August 3, 2020
Mbrojtësi i Kosovës shënoi një gol të bukur në minutën e 15-të, derisa në minutën e 33-të asistoi te goli i Kramerit.
Asistimi i Benjamin Kolollit pic.twitter.com/z41tEA4SWV
— Magazina Sportive (@KosovoMagazine) August 3, 2020
Nga ana tjetër, për Zurichun shënoi edhe futbollisti tjetër shqiptar, Toni Domgjoni, në minutën e 56-të të ndeshjes.
Goli i Toni Domgjonit pic.twitter.com/lJT6W0zyVP
— Magazina Sportive (@KosovoMagazine) August 3, 2020
Edicionin 2019/20, Zurichu e mbyll në vendin e shtatë, kurse Thuni në vendin e nëntë me 38 pikë. /Zeri.info
