Florian Kamberi drejt largimit nga Skocia, nënshkruan me klubin e madh zviceran
Sport
August 03, 2020 - 22:04
Hibernian është pajtuar me St Gallenin për shitjen e sulmuesit shqiptar, Florian Kamberi.
Futbollisti nga Kosova e kaloi edicionin e kaluar në huazim te Rangers, por gjiganti skocez nuk vendosi ta blejë atë në fund, shkruan "Zeri.info".
Kështu, sulmuesi i Kombëtares shqiptare do të rikthehet në Zvicër në një marrëveshje permanente.
"Sky Sports" raporton se Hibernian ka arritur marrëveshje me klubin elitar zviceran, St Gallen.
Rangers e kishte konsideruar opsionin e huazimit të tij edhe për këtë edicion, por Kamberi vendosi të lëviz diku në mënyrë permanente.
Ai është në vitin e tij të fundit të kontratës me Hibs dhe aty nuk ka të ardhme pas një zënke me tifozët pasi u transferua te Rangers. /Zeri.info