Në mëngjes ishte mbushur me borë, e pabesueshme si duket tani fusha e stadiumit 'Fadil Vokrri'
Sport
February 27, 2020 - 15:55
Bora që ka rënë sot në vend ka “zbardhur” terrenet sportive.
Stadiumi “Fadil Vokrri” para super sfidës ndërmjet Prishtinës dhe Ballkanit është mbushur i tëri me borë.
Në një foto të publikuar në rrjetet sociale në mëngjes shihej se fusha është mbuluar krejtësisht nga shtresa e borës.
Megjithatë, reagimi i stafit punues ka qenë shumë i shpejtë.
Në një kohë rekorde, e gjithë bora është larguar nga terreni.
Aktualisht gjendja e fushës është e mirë.
Prishtina-Ballkani zhvillohet prej orës 17:00 nën dritën e reflektorëve.