Donjeta Sadiku vazhdon përgatitjet në Kampin ndërkombëtar në Trabzon
Sport
February 16, 2020 - 12:05
Lajmet e fundit nga sporti
Bursistja Olimpike dhe kandidatja kryesore për të arritur normën Olimpike për Lojërat Olimpike "Tokio 2020", boksierja Donjeta Sadiku së bashku me selektorin Besim Brahimi nga Bullgaria dhe me kombëtaren e Bullgarisë kanë udhëtuar në kampin ndërkombëtar në Trabzon të Turqisë dhe kanë vazhduar përgatitjet speciale që për Sadikun janë të mirëseardhura para garës kualifikuese Evropiane për “Tokio 2020” që do të organizohen në Londër nga 13-24 mars.
Në këtë kamp ndërkombëtar po marrin pjesë kombëtaret e Holandës, Azerbajxhanit, Turqisë, Bullgarisë dhe Kosovës .
Këto përgatitje mbështeten nga Komiteti Olimpik i Kosovës sipas rregullores së KOK-t për bursistët Olimpik.
