Rahoveci me një njoftim zyrtar tregon se kur do të dalin në shitje biletat për gjysmëfinalet e Kupës
Sport
February 12, 2020 - 23:50
Nesër do të dalin në shitje biletat për ndeshjet gjysmëfinale të Kupës së Kosovës në basketboll.
KB Rahoveci ka njoftuar që biletat do të dalin në shitje në ora 07:00 në mëngjes.
Më poshtë njoftimi i plotë i KB Rahovecit në Facebook.
“Duke u bazuar në kapacitetet tona dhe në pamundësi të kontrollimit të plotë për shkaqe të sigurisë në orët e vona të mbrëmjes, këshilli organizativ i FINAL 8 merr këtë vendim:
Biletat për ndeshjet gjysmëfinale dalin në shitje nesër (E enjte 13.02.2020) me fillim nga 07:00.
Kërkojmë mirëkuptimin tuaj, megjithëse ne do të dëshironim që të kemi sa më shumë tifozë në palestër”, njofton Rahoveci.
Në gjysmëfinalet e Kupës takohen Rahoveci-Peja dhe Ylli-Bashkimi.
